ლაო-ძი-დაო დე ძინი

ნაწყვეტი წიგნიდან:

წიგნი პირველი

I

დ ა ო რომ გვეხილა:

დ ა ო არ იქნებოდა უცვლელი.

სახელი რომ გვებოძა:

სახელი არ იქნებოდა უცვლელი.

გამოუთქმელია დასაბამი:

ცისა და მიწის.

მფლობელი სახელისა:

დედაა ყოველი არსისა.

ჭეშმარიტად:

ვინცა დაიპყრა ვნებები:

იხილა დ ა ო დაფარულისა.

ვინცა დაიპყრა ვნებებმა:

იხილა დ ა ო ყოფიერებისა.

ერთია ორივეს დასაბამი.

სახელებია სხვადასხვა.

ამ დასაბამს-დაფარული ჰქვია.

დაფარული დაფარულისა:

ბჭეა ყოველივე საიდუმლოსი.